Најновиот материјал од иднината е направен од сосема традиционален ресурс. Супердрво кое е цврсто како челик и шест пати полесно од челикот веројатно ќе биде одржливиот градежен материјал на иднината, велат научниците. Научниците дрвото го споредуваат со карбонски влакна, а ќе може да се користи за да се прави се – од згради и автомобили до јакни кои не ги пробива куршум.
Дрвото досега е тестирано со балистички тестови и се покажа дека ламинираната верзија е толку цврста што може да спречи и проектил. Дрвото го создадоа научници од Универзитетот Мериленд со вриење обично дрво во воден раствор кој содржи хемикалии како натриум хидроксид и натриум сулфат. Со овој процес се отстрануваат органските состојки од дрвото кои му ја даваат структурата и цврстината и се прави поеластично.
Процесот е сличен на првите фази од обработката на дрвото за добивање хартија. Потоа тимот научници го пресувал дрвото меѓу две метални плочи загреани на 100°C на 50 пати поголем притисок од атмосферскиот. Така се отстрануваат просторите меѓу клетките и се набиваат. Притисокот, пак, креира хемиска врска меѓи атомите од кои е составена клеточната структура на дрвото. Крајниот производ е дрво чија големина е пет пати помала од оригиналната и има 300% поголема густина.
„Овој начин на третирање на дрвото овозможува тоа да стане 12 пати појако и 10 пати потешко. Ваквиот материјал може да биде конкурент на челикот или дури и на легурите од титаниум, а може да се споредува и со јаглеродните влакна, но многу е поефтин. Може да се користи за автомобили, авиони, згради – односно секаде каде традиционално се користи челикот“ вели Hu. Истражувањето е објавено во часописот „Nature“.
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon