На 21 март го одбележуваме меѓународниот ден на шумите. Оваа глобално одбележување на шумите овозможува платформа за подигање на свеста кај луѓето за значењето на сите видови шуми и дрвја, како и оддавање на значење на одржливоста и нивната заштитна финкција кон нас.
Идејата за одбележување на Светскиот ден на шумите, настанала на седница на Генералното собрание на Европската земјоделска конфедерација во 1971 година, кога е одлучено тоа да биде 21. март, како ден на есенска рамноденица на јужната односно пролетната на северната хемисфера. Оваа идеја подоцна е поддржана и од ФАО, со цел да се потенцира зголемувањето на свеста за потребата од зачувувањето на шумите и шумските екосистеми.
Бидејќи шумите и урбаното зеленило се значајни фактори за квалитетен живот во урбаните заедници, оваа година тема на денот е „Шумите за одржливи градови“. Со тоа се сака да се укаже дека во и надвор од градовите заштитата на шумите треба да е приоритет.
Главни пораки од овогидошното одбележување на денот на шумите се:
· Шумите и дрвјата го складираат јаглеродот, што помага во и околу урбаните области да се ублажат влијанието на климатските промени.
· Дрвјата, исто така, ја подобруваат локалната микроклима, помагајќи да се заштеди енергијата што се користи за греење за 20-50 проценти.
· Садењето на дрвјата во урбаните области може да го олади воздухот до 8 степени целзиусови, со што ќе се намалат потребите за климатизација за 30 проценти.
· Урбаните дрвја се одлични филтри за воздух, бидејќи го прочистуваат загадемниот воздух и ги отстрануваат штетните фини честички од воздухот.
· Дрвјата ја намалуваат бучавата, со што ги штитат домовите од околните патишта и индустриските области.
· Локалното население и животните ги користат плодовите, оревите, лисјата и инсектите во урбаните дрвја за да произведат храна и лекови за употреба во домот, или како извор на приход.
· Огевното дрво кое потекнува од урбани дрвја и засадени шуми на периферијата на градовите обезбедува обновлива енергија за готвење и греење, со што се намалуваат притисоците врз природните шуми и нашата зависност од фосилни горива.
· Шумите во и околу урбаните области помагаат за филтрирање и регулирање на нивото на водите, придонесувајќи за квалитетни слатководни резерви за стотици милиони луѓе. Шумите, исто така, ги штитат сливовите на водотеците и ги спречуваат поплавите бидејќи ја чуваат вода во нивните гранки и почва.
· Добро управуваните шуми и дрвја во и околу градовите обезбедуваат живеалишта, храна и заштита за многу растенија и животни, помагајќи да се задржи и да се зголеми биолошката разновидност.
· Шумите во градовите и околината создаваат туризам, создаваат десетици илјади работни места и ги разубавуваат градовите, тие градат динамични, енергетски и просперитетни зелени економии.
· Урбаните зелени површини, вклучувајќи ги и шумите, поттикнуваат активен и здрав начин на живот, го подобрува менталното здравје, штитат од болести и обезбедуваат место за социјализација на луѓето.
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon