Жолтата смрчка е јадлива печурка од фамилијата Morchellaceae. Латинското име на родот Morchella е латинизиран германски збот morchel, што значи габа. Името смрчка го спомнува српскиот филолог и лингвист Вук Караџиќ (1787 - 1864 год) во речникот од 1852 година, а потекнува од смрча, смрека, печурка која расне под смреките.
Тоа е јадлива габа со одлични карактеристики. Не смее да се јаде сирова, туку термички добро обработена, бидејќи во спротивно предизвикува тешки стомачни тегоби.
Жолтата Смрчка е многу посакувана печурка и многу невообичаена. Тие еволуирале од квасец , па затоа се стекнале со висок степен на структурна комплексност. Смрчката е најскапата печурка која може да се одгледува. Нејзината цена е околу 500 евра за 1 килограм сушена.
Вкусот на Смрчката е прекрасен и силен и апсолутно надвор споредба со било која друга храна. Изгледот и текстура смрчката е многу необичен ако не и единствен.
Одгледувањето на Смрчката е најтешко од сите други видови на култивирани печурки. Комплаксна работа во која треба да знаете што правите. Сите три видови жолтата, белата и црната смрчка можат да се одгледуваат, но за тоа е потребно големо искуство и знаење од областа на печурките.
Опис на видот: Плодното тело се состои од шапка и од дршка.
Шапката е висока од 4 до 12 сантиметри и широка од 4 до 8 сантиметри и има овална форма. Од врвот на шапката кон дното се спуштаат ребра кои се попречно преградени и создаваат јами, па целата површина потсетува на пчелино саќе. Ребрата имаат различни нијанси на окер и кафеaвa боја, а јамите се посветли. Шапката и дршката се потполно споени.
Дршката е висока од 3 до 8 сантиметри и широка од 1,5 до 3 сантиметри; има нечисто бела до светло жолта боја; набрчкана е и зрнеста, а кон основата се проширува. И шапката и дршката се шупливи.
Месото е крцкаво, со белузлаво до светло розова боја, со сладок вкус и пријатен мирис.
Живеалиште: Расте на песочно или глинено тло, на отворени места (полиња, ливади, пасишта, чумски голини) или во светли листопадни шуми (топола, даб). Плодното тело расте во помали групи, а ретко поединечно.
Делови кои се собираат: Плодното тело.
Време на собирање: Во зависност од надморската височина, собирањето се врши од средината на март до крајот на мај.
Алатки за собирање: Собирањето се врши исклучително рачно.
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon